وزارت داخله اعلام کرده است که سراج‌الدین حقانی، سرپرست ا ین وزارت، با بختیار سعیدوف، وزیر امور خارجه اوزبیکستان، دیدار کرده است.
وزارت داخله امارت اسلامی امروز پنج‌شنبه، ۲۶ سرطان با نشر خبرنامه‌ای اعلام کرده است که سراج‌الدین حقانی، سرپرست این وزارت، با بختیار سعیدوف، وزیر امور خارجه اوزبیکستان، دیدار کرده است.
بر اساس خبرنامه، در این دیدار در مورد آزادسازی دارایی‌های افغانستان و مشارکت فعال این گروه در نشست‌های جهانی بحث شده است.
وزیر خارجه اوزبیکستان گفته که کشورش خواهان آزادسازی دارایی‌های مسدود شده افغانستان، حل مشکلات پناهنده‌گان و مشارکت فعال امارت اسلامی در نشست‌های بین‌المللی است.
سراج‌الدین حقانی نیز گفته است که امارت اسلامی قصد دارند تا روابط سیاسی، اقتصادی و فرهنگی خود با اوزبیکستان را تقویت کند.
اوزبیکستان از کشورهایی است که روابط دیپلماتیک خود با امارت اسلامی را حفظ کرده است.
